News
Լրահոս
News
Երկուշաբթի
Նոյեմբեր 29
Տեսնել լրահոսը

NEWS.am-ին որոշ մանրամասներ են հայտնի դարձել օգոստոսի 29-ին Խանջյան-Թումանյան փողոցների խաչմերուկում տեղի ունեցած միջադեպից: Պարզվում է կրակելու կասկածանքով ձերբակալված Արսեն Ավագյանը «Աստաֆյան» համալիրի սեփականատեր «Տուգոն» է, որը հայտնի է որպես Դելոյի որդի:

Ըստ որոշ լուրերի, նրա եւ իր հակառակորդի վեճը ֆինանսական պարտք ու պահանջի շուրջ է եղել: Այս տեղեկություններն իհարկե պաշտոնապես ճշտել չհաջողվեց: Ոստիկանությունից տեղեկացանք, որ դեպքի առթիվ հարուցվել է քրեական գործ Քրեական օրենսգրքի 112 եւ 235 հոդվածների 1-ին մասերի հատկանիշներով. այն է՝ դիտավորությամբ առողջությանը ծանր վնաս պատճառելը եւ ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը:

Հիշեցնենք, որ ավելի վաղ NEWS.am-ը գրել էր, որ օգոստոսի 29-ի երեկոյան Թումանյան-Խանջյան փողոցների խաչմերուկում կրակոցներ են հնչել: Ոստիկանությունից NEWS.am-ին հայտնել էին, թե մեկ հոգի հրազենային վնասվածքով տեղափոխվել է հիվանդանոց: Նշված դեպքով նյութեր են նախապատրաստվում:

Տուժողը «Գրիգոր Լուսավորիչ» բժշկական կենտրոնում է գտնվում: Այսօր ոստիկանությունը միջադեպի վերաբերյալ պաշտոնական հաղորդագրություն է տարածել, ըստ որի օգոստոսի 29-ին, ժամը 20.20-ին, «Սուրբ Գրիգոր Լուսավորիչ» բժշկական կենտրոնից ոստիկանության Կենտրոնականի բաժնում հաղորդում է ստացվել, որ ծնկի շրջանի հրազենային վնասվածքով շտապօգնության խումբը Թումանյան եւ Խանջյան փողոցների խաչմերուկից իրենց մոտ բուժօգնության է տեղափոխել 1963 թ. ծնված Սուրեն Ի.-ին, որը հիվանդանոցում հայտարարել է, որ նշված վայրում պատահական ավտոմեքենայից կրակել են ոտքին: Ոոստիկանության քրեական հետախուզության գլխավոր, Երեւան քաղաքի վարչությունների, Կենտրոնականի եւ քննչական բաժինների ծառայողների ձեռնարկած օպերատիվ-քննչական համատեղ միջոցառումների շնորհիվ պարզվել է, որ Թումանյան փողոցի թիվ 6/2 հասցեում գործող մի ՍՊԸ գրասենյակում Սուրեն Ի.-ին իր «Բերետա BER-237755» տիպի 9 մմ տրամաչափի ատրճանակից կրակել եւ վնասվածքը պատճառել է 1961 թ. ծնված Արսեն Ա.-ն, որն անցկացված բացատրական աշխատանքների շնորհիվ` օգոստոսի 30-ին, ժամը 00.55-ին, ներկայացել է ոստիկանության Երեւան քաղաքի վարչություն: Ատրճանակն առգրավվել եւ ուղարկվել է փորձաքննության: Նշանակվել են փորձաքննություններ: Արսեն Ա.-ն ձերբակալված է:

Տպել
Կարդացեք նաև
Ամբողջը
Պարեկայինների բերման ենթարկած տղամարդը գողության մասին խոստովանական բացատրություն է տվել
Ոստիկանության պարեկային ծառայության Երևանի գնդի 3-րդ գումարտակի 1-ին…
Էրդողան. Թուրքիան ապավինում է Ինտերպոլի աջակցությանը հանցավորության դեմ պայքարում
«Շատ կարեւոր է, որպեսզի Ինտերպոլն անվերապահորեն աջակցի ահաբեկիչների դեմ պայքարին եւ հաշվի չառնի այս կամ այն ​​պետության դիրքորոշումը...
Թուրքական ոստիկանությունը ձերբակալել է մաֆիայի առաջնորդ Գյունիզ Աքքուշին
Աքքուշը, որը հայտնի է «Hanımağa» (կին շեֆ) մականունով, ձերբակալվել է ...
«Ժողովուրդ». Երևանում ռազբորկայի են պատրաստվել օրենքով գող Զապը, Մոսկվայի Արամչոն եւ այլք. բոլորը բերման են ենթարկվել
Խուզարկությամբ նրանցից մեկի մոտից հայտնաբերվեց «Մակարով» ատրճանակ՝ 6 փամփուշտով։ Օպերացիայի արդյունքում...
Սպանություն Երևանում. կան ձերբակալվածներ
Ձեռնարկված միջոցառումների արդյունքում ձերբակալվել են 47 և 45-ամյա...
Մերձմոսկվայում ձերբակալվել է քրեական հեղինակություն Հայկ Հարությունյանի ենթադրյալ մարդասպանը
Քննիչներն առգրավել են հանցագործության գործիքը, հարցաքննել են վկային ու կասկածյալներին եւ առերեսում են անցկացրել...