Ստամբուլահայ հայտնի լրագրող Էթյեն Մահչուփյանը նշանակվել է Թուրքիայի վարչապետի գլխավոր խորհրդական:
Թուրքական Sabah պարբերականի փոխանցմամբ՝նախորդ շաբաթ Թուրքիայի վարչապետ Ահմեդ Դավութօղլուն Թուրքիայի հայտնի մտավորականների հետ հանդիպման ժամանակ վարչապետի գլխավոր խորհրդականի պաշտոնն էր առաջարկել Էթյեն Մահչուփյանին եւ դրական պատասխան ստացել:
Դավութօղլուն Մահչուփյանի հրամանը ստորագրելու որոշման մեջ շեշտել է, որ նա աչքի է ընկել Թուրքիայի ժողովրդավարացման, քաղաքացիական հասարակության եւ պետության նկատմամբ իր վերաբերմունքով:
Նշվում է, որ Էթյեն Մահչուփյանը զբաղվելու է քրդական հարցի կարգավորման, Հայկական հարցի եւ ազգային փոքրամասնությունների խնդիրներով:
Նշենք, որ Էթյեն Մահչուփյան Հրանտ Դինքի մահից հետո որոշ ժամանակ գլխավորել է Ստամբուլի հայկական Ակոս շաբաթաթերթը, որից հետո աշխատել է մի շարք թուրքական պարբերականներում:
