Թուրքիան սպառնում է խզել դիվանագիտական հարաբերություններն Իսրայելի հետ, եթե չստանա պաշտոնական ներողություն այսպես կոչված «Ազատության նավատորմի» վրա իսրայելական զինվորների հարձակման արդյունքում Թուրքիայի 8 եւ թուրքական ծագմամբ ամերիկյան մի քաղաքացու մահվան համար:
Թուրքիայի արտգործնախարար Ահմեդ Դավութօղլուն հայտարարել է, թե բացի ներողություններից, Անկարան ակնկալում է, որ Իսրայելը փոխհատուցում կվճարի զոհվածների հարազատներին:
Թուրքական ԱԳՆ-ի ղեկավարի խոսքով, այդ քայլը կարող է որոշակի իմաստով հանել լարվածությունը երկու երկրների հարաբերություններում:
Թուրքիան արդեն ամբողջությամբ փակել է իր օդային տարածքը Իսրայելի ռազմական ավիացիայի թռիչքների համար:
Ինչպես արդեն հայտնել է NEWS.am-ը, նախօրեին թուրքական ղեկավարությունը հրաժարվել է մասնակցել Իսրայելի եւ ԱՄՆ-ի հետ համատեղ վարժանքներին:
Թել-Ավիվը հայտարարել է, թե մտադիր չէ ներողություն խնդրել Թուրքիայից, քանի որ իսրայելցի զինվորականները միայն ինքնապաշտպանության են դիմել:
