Իսրայելում Թուրքիայի կողմից երկկողմ հարաբերությունների խզմանն ուղղված կոնկրետ քայլերի չեն սպասում։ Այս մասին հայտնում է հրեական «Ջերուսալեմ պոստ» թերթը։
Թերթի տվյալներով, «նման ցուցումներ պաշտոնապես չեն եղել, բացի այդ, չկա զգացողություն, որ Անկարան այդ ուղղությամբ իրական քայլեր կանի։ Դա կվնասի ԵՄ-ի եւ ԱՄՆ-ի հետ նրա կարեւոր կապերին»։
Իսրայելի գլխավոր շտաբի ղեկավար Գաբի Աշկենազին ավելի վաղ հայտարարել էր, թե ռազմական հարաբերությունները Թուրքիայի հետ «ամուր են առաջվա նման»։ «Դրանք շատ կարեւոր են, եւ մենք պարտավոր ենք պահպանել այդ հարաբերությունները անգամ լարվածության պայմաններում»,- նշել էր նա։
Ինչպես ավելի վաղ հայտնել է NEWS.am-ը, Թուրքիան սպառնում է Իսրայելի հետ խզել հարաբերությունները, եթե նա պաշտոնապես ներողություն չխնդրի այսպես կոչված «Ազատության նավատորմի» գրոհի ժամանակ զոհված Թուրքիայի քաղաքացիների մահվան համար։