Վրաստանի Հանրային պաշտպան Ուչա Նանուաշվիլին աշխատանքի, առողջապահության եւ սոցիալական պաշտպանության նախարար Դավիթ Սերգեենկոյին խորհուրդ է տալիս տղամարդկանց նորածին երեխայի խնամքի համար արձակուրդի իրավունք տալ, ինչպես սահմանված է Աշխատանքային օրենսգրքով:
2013 թվականի սեպտեմբերին Վրաստանի Աշխատանքային օրենսգրքում ընդունված փոփոխությունների համաձայն, հղիության եւ ծննդաբերության կամ նորածնի խնամքի համար նախատեսված արձակուրդը, այդ թվում՝ որդեգրված երեխայի պարագայում, 730 օրացուցային օր է նախատեսված, եւ դրանից կարող են օգտվել ինչպես կանայք, այնպես էլ տղամարդիկ: Պետության կողմից մեկանգամյա փոխհատուցման չափը 1.000 լարի է (շուրջ 526 դոլար):
Օմբուդսմենի ապարատի տվյալներով, որը հրապարակվել է 2006 թվականի օգոստոսի 25-ին, Վրաստանի առողջապահության նախարարության որոշմամբ, երեխայի խնամքի համար արձակուրդի սահմանափակում է մտցվել տղամարդկանց պարագայում:
Ըստ «Նովոստի Գրուզիա»-ի, Հանրային պաշտպանին բազմիցս բողոքով դիմել են տղամարդիկ, որոնք նորածին երեխայի խնամքի համար արձակուրդի խնդրանքով դիմել գործատուին եւ խոչընդոտների հանդիպել: