Գյումրիում հունվարի 12-ին դաժանաբար սպանված Ավետիսյանների ընտանիքի անդամների մարմիններն այսօր՝ հունվարի 13-ին, 20։0-ի մոտ տեղափոխեցին Գյումրիի Սուրբ Նշան եկեղեցի։
NEWS.am-ի թղթակիցը հաղորդում է, որ եղեկեցում մեծ թվով մադիկ են հավաքվել, նրանց թիվը գնալով մեծանում է։ Սպանվածների հարազատներից բացի եկեղեցի են եկել նաեւ մեծ թվով գյումրեցիներ՝ ցավակցելու հարազատներին եւ հարգանքի տուրք մատուցելու դաժան սպանդի զոհերին։
Եկեղեցում են նաեւ Գյումրիի քաղաքապետարանի ներկայացուցիչները։
Նշենք, որ Ավետիսյանների հոգեհանգստը կկայանա վաղը՝ հունվարի 14-ին, քաղաքացիական հոգեհանգիստը՝ հունվարի 15-ին՝ ժամը 17:00-ին, հուղարկավորությունը՝ հունվարի 16-ին։
Ընտանեկան սպանդից հրաշքով փրկված 6-ամսյա Սերյոժա Ավետիսյանն այս պահին Երեւանի «Սուրբ Աստվածամայր» հիվանդանոցում է, որտեղ բժիշկները պայքարում են նրա կյանքի համար։
Ավելի վաղ NEWS.am-ը հայտնել էր, որ հունվարի 12-ին Գյումրիի Մյասնիկյան փողոցի տներից մեկում ընտանիքի 6 անդամներին գտել են սպանված: Նրանց վրա հրազենային վնասվածքներ են եղել: Սպանվածներից հինգը չափահաս են եղել, մեկը՝ մանկահասակ երեխա: Սպանության հիմնական կասկածյալը ռուս զինվորական Վալերի Պավելի Պերմյակովն է: Նրան հայտնաբերել են հայ-թուրքական սահմանի մոտ:
