Մահացել է  ամերիկացի ֆիզիկոս, Նոբելյան մրցանակակիր, լազերի ստեղծող Չարլզ Թաունս: Նա մահացել է հիվանդանոց տեղափոխվելու ճանապարհին՝ 99 տարեկան հասակում, հաղորդվում է Քալիֆորնիայի համալսարանի կայքում:

Թաունսի աշխատանքները նվիրված են միկրոալիքային սպեկտրադիտմանը, քվանտային էլեկտրոնիկային, լազերների եւ մազերների ստեղծմանը եւ նրանց կիրառությանը, ոչ գծային օպտիկային, ռադիո եւ ինֆրակարմիր աստղագիտությանը։ Նիկոլայ Բասովի եւ Ալեքսանդր Պրոխորովից անկախ մշակել է էլեկտրամագնիսական ճառագայթման ուժեղացման եւ ստեղծման սկզբունքները քվանտային սարքերում, 1954-ից ստեղծել է առաջին քվանտային գեներատորը։ 1958-ին, Արթուր Շավլովի հետ, առաջարկել է լազերի գործողության սկզբունքները։ Լազերները մեծ ճշտությամբ օգտագործել է հարաբերականության տեսության մեջ եւ բժշկակենսաբանական բնագավառում կիրառելու սկզբունքները։