Կոսովոյի խռովությունները չեն ազդել հայ խաղաղապահների ծառայության վրա:
Խաղաղապահ բրիգադից NEWS.am-ին հայտնեցին, որ հայ խաղաղապահների հետ ամեն ինչ կարգին է:
Հիշեցնենք, որ Հայաստանը Կոսովոյի խաղաղապահ առաքելությանը մասնակցում է 2004 թ. փետրվարի 12-ից:
Կոսովոյի Պրիշտինա նահանգում հերթական խռովությունների հետեւանքով վիրավորվել է առնվազն 80 մարդ: Ըստ «Ֆրանս Պրեսսի»՝ տուժածների թվում կա 56 ոստիկան: Շուրջ 120 մարդ ձերբակալվել է, փոխանցում է «Ռեյթերը»: Կարճ ժամանակով ձերբակալվել է նաեւ Պրիշտինայի քաղաքապետ Շպենդ Ահմեդին: Ամբոխը ցրելու համար ոստիկանները ռետինե փամփուշտներ եւ արցունքաբեր գազ են օգտագործել:
Խռովությունները հրահրել են կոսովո-ալբանական ծայրահեղականները, որոնք դժգոհ են տեղի իշխանությունների գործողություններից, որոնք դեռ օրինագիծ չեն ընդունում «Տրեպչա» լեռնարդյունաբերական գործարանի վերահսկողության վերաբերյալ. այն գերազանցապես Սերբիայի սեփականության տակ է: Կոսովոյում Սերբիայի ներկայացուցիչները եւ պաշտոնական Բելգրադը ակտիվ հակազդում են պատրաստվող որոշմանը:
