News
Լրահոս
News
Երեքշաբթի
Փետրվար 18
USD
479.05
EUR
519.43
RUB
7.57
ME-USD
0.05
Տեսնել լրահոսը

Եվրոպական ժողովրդական կուսակցության Քաղաքական Համաժողովը, այսօր՝ մարտի 3-ին,  Հայոց Ցեղասպանության 100-րդ տարելիցին նվիրված բանաձեւ է ընդունել:

Բանաձեւում, մասնավորապես ասվում է.

«ՀԱՅԿԱԿԱՆ ՑԵՂԱՍՊԱՆՈՒԹՅՈՒՆԸ եւ եՎՐՈՊԱԿԱՆ ԱՐԺԵՔՆԵՐԸ

Եվրոպական ժողովրդական կուսակցությունը վերահաստատում է հայկական ցեղասպանության եւ հայժողովրդի բռնի տեղահանման փաստը, դատապարտում է այն ցեղասպանության հարյուրամյակի նախօրեին`ապրիլի 14, 2015:

1. Մենք դատապարտում ենք հայ ժողովրդի հանդեպ ցեղասպանության գործողությունները, որոնք ծրագրվել եւ մշտապես չարակամորեն իրականացվել են Օսմանյան կայսրության եւ Թուրքիայի այլ ռեժիմների կողմից 1894-1924 թթ: Դրանք են հայրենազրկումը, ոճրագործությունները եւ էթնիկ գործոնով պայմանավորված բնաջնջումները, որոնք ուղղված էին հայկական բնակչության եւ նրա մշակութային ժառանգության ոչնչացմանը: Ինչպես նաեւ ցեղասպանության ժխտումը, պատասխանատվությունից խուսափելու եւ իրականացված ոճրագործությունները մոռացության մատնելու կամ արդարացնելու փորձերը` որակելով դրանք որպես շարունակական հանցագործություն եւ նոր ցեղասպանություններ խրախուսելու միտում:

2. Մենք հարգանքի տուրք ենք մատուցում 1915 թվականի հայկական ցեղասպանության մեկ ու կես միլիոն անմեղ զոհերի հիշատակին եւ երախտագիտությամբ խոնարհվում ենք նահատակված, ինչպես նաեւ փրկված հերոսների առջեւ, ովքեր պայքարել են կյանքի եւ մարդկային արժանապատվության պահպանման համար: Ավելին, մենք ընդունում ենք, որ ցեղասպանության հետ եւ անքով բնաջնջման եւ բռնի տեղահանման են ենթարկվել ոչ միայն հայերը, այլ նաեւ Պոնտոսի հույները եւ ասորիները: Մենք հարգում ենք նաեւ նրանց հիշատակը:

3. Մենք միանում եւ մեծապես աջակցում ենք հայ ժողովրդի միջազգային պայքարին, որը տարվում է ցեղասպանությունների կանխման, ցեղասպանության ենթարկված ժողովուրդների իրավունքների վերականգնման, ամրագրման եւ պատմական արդարության հաստատման համար:

4. Կոչ ենք անում Թուրքիային հետեւել հետպատերազմյան Գերմանիայի կողմից ցուցաբերած բացառիկ շիտակության ու նախաձեռնողականության օրինակին, պատմությունը ընդունելու եւ հայկական ցեղասպանութան եւ դրան հետեւող ունեզրկման ներկայիս իրականությունը ճանաչելու, ինչպես նաեւ, նյութական եւ բարոյական հատուցումը ապահովելու գործում` իրականացնելով եվրոպական երկրին վայել քաղաքականություն, որը ներառում է պատմական հողերի վերադարձը հայ բնակչությանը, հայ ընտանիքների վերամիավորումն իրենց ազգային օջախներին եւ դրանից բխող ճշմարտության միջոցով հաշտության հասնելու հրամայականի իրագործմանը:

5. Դիմում ենք Թուրքիայի կառավարությանը իր ստանձնած օրենսդրական պարտավորությունները հարգելու եւ կյանքի կոչելու պնդումով, ներառյալ այն դրույթները, որոնք վերաբերվում են հայկական մշակութային ժառանգության պահպանմանը: Մասնավորապես այդ համատեքստում կարեւորվում է անցյալ դարում բնաջնջման կամ ոչնչացման ենթարկված հայկական եւ այլ մշակութային ժառանգությունների մանրամասն ցուցակագրումը, հնագույն մեծ քաղաքների, եկեղեցիների, դպրոցների, գերեզմանոցների եւ Արեւմտյան Հայաստանում տեղակայված այլ պատմամշակութային արժեքների վերականգնման ռազմավարության զարգացման հեռահար նպատակով` դարձնելով վերոհիշյալ հաստատություններից շատերը գործող մշակութային եւ կրոնական կենտրոններ:

6. Մենք կոչ ենք անում ԵՄ, Եվրոպայի խորհրդի անդամ երկրներին, միջազգային կազմակերպություններին, բարի կամքի տեր բոլոր մարդկանց անկախ իրենց ազգային եւ կրոնական պատկանելիությունից, միավորել ջանքերը պատմական արդարությունը վերկանգնելու եւ հայկական ցեղասպանության անմեղ զոհերին հարգանքի արժանի տուրք մատուցելու գործում.

7. Հաշվի առնելով վերոհիշյալ դրույթները` ԵԺԿ-ն կոչ է անում Թուրքիային ձեռնարկել իր ստանձնած միջազգային պարտավորությունների եւ իր որդեգրած եվրոպական չափանիշներին համապատասխան միջոցառումներ.

• Ճանաչել եւ դատապարտել Օսմանյան կայսրության կողմից կատարված հայկական ցեղասպանությունը` սթափ գնահատելով սեփական պատմությունը եւ հիշողությունը՝ հարգանքի տուրք մատուցելով մարդկության դեմ կատարված այլ զազրելի ոճրագործությունների զոհերի հիշատակին:

• Ձեւավորել իրապես եվրոպական Թուրքիային համապաստախանող տեսլական, ինչպես նաեւ, գործողությունների ծրագիր, որն իր մեջ ներառում է խոսքի ազատությանը եւ հայկական ցեղասպանությանը վերաբերող հարցերի ազատ բարձրաձայնումը պետական հասարակական եւ կրթական հասատատությունների մակարդակով, ինչպես նաեւ կրոնական եւ մշակութային հուշարձանների վերականգնումը եւ դրանց հանձնումը հայակական եւ այլ համայնքներին:

• Ձեռնարկել երկար սպասված հայկական ազգային ժառանգության ճանաչումը, որը հիմնված կլինի հայ-թուրքական հարաբերությունների լիակատար կարգավորման, խարսխված պատմության ընդունման, կնճռոտ հարցերի խաղաղ կարգավորման եւ հայ-թուրքական հարաբերությունների լիակատար եվրոպականացման վրա:

8. Կոչ ենք անում Եվրոպական Միությանը,ԵՄ Հանձնաժողովին, Խորհդրին եւ Խորհրդարանին, ինչպես նաեւ ողջ միջազգային հանրությանը ի գնահատումն Թուրքիայի ստանձնած պարտավորություններին` կենտրոնացնել ուշադրությունը ճանաչման եւ մեր ընդհանուր ժառանգության վերականգնման եւ վերահաստատման վրա, ընդսմին, առաջադրված, այնուհետ եւ նշվող ապրիլի 24-ը հայկական զոհերի հիշատակի պաշտոնական օր ընդունելու, հայկական ցեղասպանությունը եւ մարդու կողմից մարդու հանդեպ կատարվող ոճրագործությունները դատապարտելու համար:

9. Լիահույս ենք, որ Թուրքիայի կողմից հայոց ցեղասպանության ճանաչումն ու դատապարտումը նոր էջ կբացի հայ եւ թուրք ժողովուրդների պատմական հաշտեցման գործընթացում:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
ՀՅԴ Հայ Դատի կենտրոնական խորհուրդը ողջունում է Սիրիայի խորհրդարանի կողմից Հայոց ցեղասպանության բանաձեւի ընդունումը
Սիրիայի կողմից այս ճանաչումը եւ դատապարտումը կրկնակի կարեւորություն ունի, որովհետեւ սոսկ իրողության հաստատումից անդին է անցնում...
Նման որոշումները պետք է ավելի վաղ կայացվեն. Մարուքյանը` Սիրիայի խորհրդարանի որոշման մասին
«Հայոց ցեղասպանության մասին չպետք է հիշել միայն այն ժամանակ, երբ ինչ-որ մեկի մոտ որոշակի լարվածություն է առաջանում Թուրքիայի հետ...
ՀՀ խորհրդարանը ողջունում է Հայոց ցեղասպանության միաձայն ճանաչման մասին Սիրիայի խորհրդարանի որոշումը
Սիրիացի խորհրդարանականների օրակարգը ներառում էր Սիրիա-Հայաստան բարեկամական խմբի կողմից ներկայացված․․․
Թուրքիան դիտավորյալ թաքցնում է Հայոց ցեղասպանության փաստերը. Թաներ Աքչամ
Ռազմական տրիբունալի ժամանակ, Աքչամի խոսքով, պետական մեղադրողները գրել են մեղադրական ակտեր եւ դատավճիռներ այդ հեռագրերի մեջբերումների հիման վրա...
Սիրիայի խորհրդարանը կողմ է քվեարկել Օսմանյան Թուրքիայում Հայոց ցեղասպանության ճանաչման եւ դատապարտման մասին բանաձեւին
Բանաձեւը ներկայացվել է Սիրիա-Հայաստան բարեկամության խորհրդարանական խմբի կողմից...
Սիրիայի խորհրդարանը այսօր քվեարկելու է Հայո ցեղասպանությունը ճանաչող եւ դատապարտող բանաձեւը
Հայոց ցեղասպանությունը գործողների ժառանգորդները այսօր նույն ոճիրներն են գործում Սիրիայի ժողովրդի նկատմամբ…