Ոստիկանության Տավուշի մարզային վարչության եւ Իջեւանի բաժնի ծառայողները մարտի 3-ին շրջագայություն կատարելիս՝ Վազաշեն գյուղի սկզբնամասից անտառ տանող ճամփեզրին հայտնաբերել են տարբեր երկարության եւ տրամագծով լորենու 9 գերան:

Ոստիկանության մամուլի ծառայությունից հայտնում են, որ նյութերի նախապատրաստման ընթացքում պարզվել է, որ գերանները պատկանում են անտառապահ, 42-ամյա Գուրգեն Ղ.-ին, որը 2014 թ. դեկտեմբերին իրեն վստահված հանդամասից առանց համապատասխան թույլտվության հատել է 2 լորենի:

Պատճառված վնասի չափը պարզվում է:

Կատարվում է հետաքննություն: