![](img/news/25/58/86/default.jpg)
Տաջիկստանի իշխանությունները կարծում են, որ Թուրքիայում ընդդիմադիր գործիչ Ումարալի Կուվատովի սպանությունը կապ ունի նրա ձեռներեցական գործունեության հետ։ Այս մասին գրում է «Ինտերֆաքս»-ը։ Տաջիկստանի ՆԳՆ կազմակերպված հանցագործությունների դեմ պայքարի վարչության ղեկավարը հայտարարել է, որ ըստ իր տեղեկությունների՝ Կուվատովը ժամանակին շատերին է «գցել», գողացել ուրիշների բիզնեսը, կեղծել փաստաթղթեր։ Այնպես որ, ըստ նրա, շատերը կցանկային նրա մահը։
«Ժամանակակից աշխարհում շատ քիչ են այն հատուկ ծառայությունները, որոնք կարող են մարդասպան ուղարկել այլ երկիր, զենքով պետական սահմանն անցկացնել, մարդ սպանել եւ հետո նրան խաղից դուրս հանել։ Տաջիկստանը այդ երկրների շարքում չէ»,- ընդգծել է նա։
Հիշեցնենք, որ Կուվատովը սպանվել էր մարտի 5-ին Ստամբուլում։ Անհայտ անձը մոտեցել էր ընդդիմադիր գործչին փողոցում եւ կրակել նրա գլխին, որից հետո դիմել փախուստի։ Սպանության գործով ձերբակալվել է Կուվատովի հայրենակիցը, ում տուն Կուվատովը հյուր էր գնացել սպանությունից անմիջապես առաջ։