Բրիտանական հայտնի հանրագիտարանի՝ Encyclopædia Britannica-ի խմբագրակազմը շտկել է Հայոց Ցեղասպանության մասին հոդվածը եւ «հայերի կոտորածները» փոխարինել «Հայոց Ցեղասպանություն» եզրույթով, հաղորդում է Horizonweekly պարբերականը։
Հոդվածում, մասնավորապես, նշվում է. «Հայոց Ցեղասպանությունը, երիտթուրքերի կառավարության իրականցրած վայրագ արշավն է Օսմանյան կայսրության հպատակ հայերի նկատմամբ 2-րդ Համաշխարհային պատերազմի ժամանակ (1914–18թթ.)։ Հարյուր հազարավոր մարդկանց մահը թեժ վիաճաբանությունների թեմա է գիտնականների եւ կառավարությունների միջեւ։ Հայերը պնդում են, որ դա հայ բնակչությանը բնաջնջելու միտումնավոր փորձ էր՝ Ցեղասպանություն։ Թուրքիայի կառավարությունը դիմադրում է այն ճանաչելու կոչերին՝ պնդելով, որ, չնայած, կոտորածներ եղել են, հայերի հանդեպ բնաջնջման պաշտոնական քաղաքականություն չի իրականացվել»։