Գյումրիում ապրիլի 6-ի գիշերը դաժան ծեծի ենթարկված 48-ամյա Արթուր Պետրոսյանն առաջիկա շաբաթվա ընթացքում դուրս կգրվի հիվանդանոցից: Այս մասին NEWS.am-ին ասաց «Գյումրի» բժշկական կենտրոնի տնօրեն Արմեն Իսահակյանը:
«Արթուր Պետրոսյանի վիճակը բավարար է, հետվիրահատական բարդություններ չկան, առաջիկա օրերին արդեն դուրս կգրենք»,- ասաց Արմեն Իսահակյանը:
Նշենք, որ Արթուր Պետրոսյանի մոտ ախտորոշվել է գանգուղեղային փակ վնասվածք, կրծքավանդակի եւ որովայնի բութ վնասվածքներ, ուղեղի ցնցում, փայծախի եւ միզապարկի պատրվածքներ:
Մեր տեղեկություններով՝ ծեծի ենթարկվածն ավտոբուսի վարորդ է, աշխատում է Գյումրիի 40 համարի երթուղայինում:
Հիշեցնենք, որ ոստիկանության նյութեր են նախապատրաստվում՝ պարզելու դեպքի հանգամանքները:
