Կանադայի վարչապետ Ստեֆեն Հարփերը դիմել է երկրի հայ համայնքին։ Այդ մասին հաղորդում է Կանադայի Horizon հայկական թերթը։ Ուղերձում ասվում է.
«Այսօր օրը մենք նշում ենք 1915թ. Օսմանյան կայսրությունում մարդկանց սարսափելի մահվան տարելիցը։ Եւ Սենատը, եւ Ներկայացուցիչների պալատը բանաձեւեր են նդունել՝ այդ իրադարձությունները բնորոշելով որպես Ցեղասպանություն։
Այս օրը, որ մենք հանդիսավոր նշում ենք, ոչ թե նրա համար է, որ մեղադրանք հղենք անցյալին, այլ որպեսզի այն մեզ ավելի լավ ապագա տանի։ Այն մեզ հիշեցնում է, թե ինչու պիտի հավատարիմ մնանք պայքարին հանուն այսօրվա աշխարհում մարդու իրավունքների եւ ժողովրդավարական ազատությունների հարգման։
Այսօր հայկական եւ թուրքական ծագմամբ կանադացիները ապրում են միասին՝ կիսելով հանդուրժողականության եւ թափանցիկության մեր արժեքները։ Այդ ոգով մենք կոչ ենք անում Հայաստանին եւ Թուրքիային վերսկսել կարգավոման արձանագրությունների շուրջ քննարկումները, հաշտեցման ուղիներ փնտրել՝ ներառյալ բաց սահմանները, դիվանագիտական հարաբերությունների հաստտաում եւ 1915թ. իրադարձությունների շուրջ երկխոսության հաստատումը։
Հիշատակի այս օրը մենք բարձր ենք գնահատում մարդկանց, որ խիզախորեն ուսումնասիրում են պատմությունը՝ ձգտելով փոխըմբռնման եւ բարի կամքի հասնել։
Ես միանում եմ բոլոր կանադացիներին, հատկապես հայազգի, հիշելով անցյալը եւ խաղաղության ու փոխադարձ հարգանքի վրա հիմնված ապագայի հույս փայփայելով։
