Տասնյակ հազարավոր հայեր են մասնակցել Բեյրութում՝ Հայոց ցեղասպանության 100-րդ տարելիցին նվիրված երթին։
Դրոշներ եւ անմոռուկի պատկերներով պաստառներ պահած՝ երթի մասնակիցները անցել են հայկական պատրիարքարանից դեպի մարզադաշտ, Լիբանանի հայաբնակ Բուրջ Համուդ թաղամասում, հաղորդում է «The Daily Star»-ը։
Ելույթ ունենալեվ երթի մասնակիցների առջեւ՝ Մեծի Տանն Կիլիկիո Արամ Ա կաթողիկոսը հայտարարել է, թե հայերը Թուրքիայից ոչ թե ցավակցություններ, այլ ճանաչում եւ արդարություն են ուզում լսել։
«Մենք աշխարհին ասում ենք, որ ցեղասպանությունից մենք հաղթած ենք դուրս եկել, քանի որ մեր մարդիկ կենդանի են մնացել»,- հավելել է կաթողիկոսը։
Լիբանանի վարչապետ Թամամ Սալամը զանգահարել Արամ Ա-ին, համերաշխություն հայտնել հայերի հետ։ Նրա խոսքով, Լիբանանի ժողովուրդը երախտապարտ է հայերին՝ երկրի կյանքում նրանց զգալի դերի համար, նաեւ կիսում տառապանքները, որ կրել է հայ ժողովուրդը։
Լուսանկարները Facebook-ի Armenians in Lebanon խմբից