Հայերի սպանությունը 20-րդ դարի ամենահրեշավոր հանցագործություններից մեկն է: Այդ մասին Թվիթերի իր միկրոբլոգում գրել է Լատվիայի արտգործնախարար Էդգար Ռինկեւիչսը:
«Այսօր մենք նշում ենք 20-րդ դարի ամենսարսափելի հանցագործություններից մեկի՝ հայերի կոտորածի 100-ամյա տարելիցը, որը երբեք չի մոռացվի», - գրել է Ռինկեւիչսը:
20-րդ դարի առաջին ցեղասպանությունից՝ Հայոց ցեղասպանությունից 100 տարի է անցել: Ապրիլի 24-ին հայերն ու ողջ քաղաքակիրթ աշխարհը հարգանքի տուրք է մատուցում մարդկության դեմ կատարված հրեշավոր հանցագործության զոհերին, որի հետեւանքով ավելի քան 1.5 մլն հայ է ոչնչացվել:
Հայոց ցեղասպանության փաստը ճանաչվել է մի շարք պետությունների կողմից։ Առաջինը 1965թ. դա արեց Ուրուգվայը, որի օրինակին հետեւեցին Ռուսասատնը, Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուեալան, Արգենտինան եւ ԱՄՆ 42 նահանգ։ Հայոց ցեղասպանությունը ճանաչել է նաեւ Վատիկանը, Եվրախորհրդարանը, Եկեղեցիների համաշխարհային խորհուրդը։
