50-ամյա չեխ նկարչուհի Վերոնիկա Ռիխտերովան պլաստիկե շշերին երկրորդ կյանք է տալիս՝ դրանք վերածելով հրաշալի ծաղիկների: Տաքացնելու, կտրելու եւ հավաքվելու արդյունքում շշերն ինքնատիպ տեսք են ստանում:

Ըստ Kedem-ի, բացի ծաղիկներից, Վերոնիկա Ռիխտերովան շշերից նաեւ կենդանիներ է պատրաստում: Օրինակ՝ պինգվիններ, կոկորդիլոսներ, խեցգետիններ, չղջիկներ եւ այլն:

Այդ գլուխգործոցները ստեղծելու համար կինն աշխարհի 76 երկրներից ավելի քան 3.000 պլաստիկե շիշ է հավաքել: