Վերակառուցման եւ Զարգացման Եվրոպական Բանկի (ՎԶԵԲ) 24-րդ տարեկան ժողովըտեղի է ունենում Թբիլիսիում, ս.թ. մայիսի 14-15-ը, որին մասնակցում է 60 երկրի ավելի քան 2000 ներկայացուցիչ:Այս տարի ՎԶԵԲ-ի տարեկան ժողովն անցկացվում է տարածաշրջանի առաջատար հաստատությունների եւ համաշխարհային գործընկերների աջակցությամբ, որոնց շարքում են Վրաստանի բանկը (համաժողովի գլխավոր գործընկեր), Յունիկրեդիտը (համաժողովի ավագ գործընկեր), ՌայֆայզենԲանկԻնտերնեշնլը (համաժողովի ավագ գործընկեր), «Ակֆեն» ընկերությունը (հատուկ միջոցառումների գործընկեր) եւ Ամերիաբանկը (համաժողովի գործընկեր եւ միջոցառումը հովանավորող առաջին հայկական բանկը):
Ամերիաբանկի Կորպորատիվ գործառնությունների գծով տնօրեն Գագիկ Սահակյանը նշեց. «Ամերիաբանկը բարձր է գնահատում ՎԶԵԲ-ի հետ երկարամյա համագործակցությունը, որի արդյունքում ճկուն պայմաններով ֆինանսավորման հնարավորություն է ստեղծվել Հայաստանի տնտեսության տարբեր ոլորտները ներկայացնող բազմաթիվ ընկերությունների, այդ թվում եւ ՓՄՁ-ների համար: Համագործակցության արդյունքում իրականացվել են երկրի տնտեսության զարգացման համար մի շարք կարեւոր նախագծեր` ուղղված էներգետիկայի, հեռահաղորդակցության, առեւտրի, արդյունաբերության, գյուղատնտեսության եւ այլ ոլորտների զարգացմանը, ինչպես նաեւ նոր աշխատատեղերի ստեղծմանը»:
ՎԶԵԲ-ի հետ համագործակցության առաջին օրվանից` 2010թ. սեպտեմբերի 30-ից սկսած,Ամերիաբանկն Առեւտրի աջակցման ծրագրի ներքո (TFP) ընդհանուր առմամբ կնքել է առեւտրի ֆինանսավորման շուրջ 75 մլն ԱՄՆ դոլարի գործարք: