Իսրայելի ղեկավարությունը որոշում է կայացրել հետ վերադարձնել թուրքական «Խաղաղության նավատորմի» նավերը, որոնք ձերբակալվել էին, երբ նրանք փորձել էին հումանիտար օգնություն տանել շրջափակման մեջ գտնվող Գազայի հատված: «ԱՊԱ»  գործակալության հաղորդմամբ, Ադրբեջանում Իսրայելի դեսպանատնից հաղորդել են, որ այսօր` օգոստոսի 5-ին Իսրայել կժամանեն երեք թուրքական բուքսիր-նավեր, որպեսզի իսրայելական Ասդոդ եւ Հայֆա նավահանգիստներում խարսխված նավատորմը դուրս բերեն։

Իսրայելի Պաշտպանության նախարարության հայտարարության համաձայն,  այդ քայլն իրականացվում է Իսրայելի իշխանությունների որոշմամբ եւ թուրքական իշխանությունների դիմումով։

Հիշեցնենք, որ մայիսի 31-ին Իսրայելի զինվորականները ձերբակալել էին Գազայի հատված հումանիտար օգնություն տանող  6 նավերից բաղկացած «Ազատության նավատորմը»: Արդյունքում մահացել էր 9 թուրք զինվորական։