News
Լրահոս
News
Չորեքշաբթի
Դեկտեմբեր 07
USD
395.53
EUR
393.43
RUB
6.42
Տեսնել լրահոսը


Հոսանքի թանկացման որոշման դեմ պայքարող ակտիվիստների նստացույցը ցրելիս վնասվածքներ ստացած ակտիվիստներից 35-ամյա  Վահրամ Մուշեղյանը տեղափոխվել է «Արմենիա» բժշկական կենտրոն: Հիվանդանոցի ընդունարանից  NEWS.am-ի թղթակցին հայտնեցին, որ նրա մոտ կասկածում են գանգուղեղային տրավմա, գիտակցություն ուներ, այժմ հետազոտություններ է անցնում (ֆոտոռեպորտաժ):

Նստացույցը ցրելու արդյունքում 8 քաղաքացի էլ տեղափոխվել էր «Սուրբ Գրիգոր Լուսավորիչ» բժշկական կենտրոն: Հիվանդանոցի Վերակենդանացման բաժանմունքի ղեկավար Սամվել Կարապետյանն ասաց, որ իրենց մոտ հիվանդանոց տեղափոխվածները թեթեւ քերծվածքներ, վնասվածքներ են ստացել: Նրանցից  3-ն արդեն դուրս են գրվել, 5 դեռ հիվանդանոցում է, այսօրվա ընթացքում նրանք եւս դւորս կգրվեն:

Ակտիվիստների ակցիան ցրելու արդյունքում տուժածներից 4 հոգի էլ տեղափոխվել է «Էրեբունի» բժշկական կենտրոն: Հիվանդանոցի մամուլի քարտուղար Շուշան Հունանյանը NEWS.am-ի թղթակցին հայտնեց, որ նրանք ամբուլատոր բուժօգնություն են ստացել եւ գնացել:

Ոստիկանության կողմից ուժ կիրառելու հետեւանով 2 հոգու էլ տեղափոխել են թիվ 1 համալսարանական կլինիկա: Հիվանդանոցի գլխավոր բժիշկ Կարեն Սահակյանը NEWS.am-ի թղթակցի հետ զրույցում ասաց, որ իրենց մոտ բուժօգնության է դիմել 2 ոստիկան, նրանք ամբուլատոր բուժօգնություն են ստացել եւ գնացել տուն:

Ի ղեպ, ոստիկանությունից NEWS.am-ի թղթակցին հայտնել էին, թե երեկվա բախումների հետեւանքով 7 մարդ դիմել է բուժօգնության համար, նրանցից 3-ը տեղափոխվել է հիվանդանոց:  Նստացույցը ցրելիս 11 ոստիկան ստացել է տարբեր աստիճանի մարմնական վնասվածք:

Նշենք, որ չորս օր տեւած նստացույցից հետո հունիսի 22-ին ավարտվել էր «Ոչ թալանին» նախաձեռնության՝ իշխանություններին տված վերջնաժամկետը, եւ ցուցարարները մեծ բազմությամբ շարժվել էին դեպի Բաղրամյան պողոտա։ Ոստիկաննեը փակել էին պողոտան, ինչից հետո նստացույց էր սկսվել։ Հունիսի 23-ին վաղ առավոտյան ոստիկանները ջրցան մեքենայի օգնությամբ ցրել են ցույցը, ապա բերման ենթարկել ակտիվիստների եւ լրագրողների:

Հիշեցնենք, որ ոստիկանության բաժիններ են տարվել «Հետքի», «Գալա» հեռուստաընկերության, «Հայկական Ժամանակ» օրաթերթի, NEWS.am-ի eu panarmenian.net-ի լրագրողները: Ծեծի են ենթարկվել նաեւ «Արմենիա» հեռուստաընկերության լրագրող Դավիթ Դավթյանն ու օպերատորԽաչատուր Եսայանը, 1in.am-ի երեք օպերատորները:

Հիշեցնենք, որ չնայած էլեկտրաէներգիայի սակագնի բարձրացման դեմ ուղղված բազմաթիվ բողոք-ակցիաներին հունիսի 17-ին, ՀԾԿՀ հանձնաժողովի նիստում հաստատվել է էլեկտրաէներգիայի նոր սակագինը։ էլեկտրաէներգիան թանկացել է 6.93 դրամով՝ մեկ  կՎտ/ժ-ի դիմաց 41.85 դրամից դառնալով 48.78 դրամ։  «Հայաստանի էլեկտրական ցանցեր» (ՀԷՑ) ընկերությունը առաջարկել էր էլեկտրաէներգիայի մեկ կիլովատտ/ժամը թանկացնել 17 դրամով:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Նիկոլ Փաշինյանի գլխավորությամբ տեղի է ունեցել ՔՊ կուսակցության վարչության նիստ
Քննարկվել են Իջևանի և Փարաքարի տարածքային կազմակերպությունների…
«Ժողովուրդ». Պաշտոնաթող նախագահներին և վարչապետերին պետական պահպանություն կտրամադրվի վարչապետի որոշմամբ
Հայտնի է, որ դեկտեմբերի 9-ին ՀՀ Ազգային ժողովն արտահերթ նիստ է գումարելու, որի օրակարգում ընդգրկված է...
«Ժողովուրդ». Ընդդիմադիրներն այսօր ևս ԱԺ նիստին չես մասնակցի․ ի՞նչ է սպասվում
Խորհրդարանական աշխատանքը իշխանության ու ընդդիմության մասնակցությամբ այսքանով ավարտվեց...
«Հրապարակ». Դատախազը՝ մամուլի թշնամի
Նրա նախորդը՝ Արթուր Դավթյանն էլ առանձնապես ջերմ հարաբերություններ չուներ լրագրողների հետ, բայց...
«Ժողովուրդ». Շուրջ 10 մլն դրամանոց աշխատաժողով ԲԴԽ նախագահ Կարեն Անդրեասյանի գլխավորությամբ
Ընդ որում՝ ընթրիքն իր մեջ ներառել է մսի, թթվի, պանրի տեսականի, երկու տեսակի աղցաններ, հիմնական ուտեստ...
«Հրապարակ». Որոշել են ընդառաջել Ավինյանին
Հիշեցնենք, որ անկախության օրը զոհվածների ծնողների նկատմամբ ոստիկանների կիրառած բռնության դեպքերի առթիվ Կատվալյանը ֆեյսբուքյան գրառում էր արել...
Ամենաշատ