Հունաստանի պետական խորհուրդը՝ երկրի բարձրագույն դատարաններից մեկը, հուլիսի 3-ի լիագումար նիստում որոշում կկայացնի հանրաքվեի օրինական լինելու մասին: Որոշումը անմիջապես կհրապարակվի, հայտնում է Աթենքի լրատվական գործակալությունը:
Պետխորհուրդը կքննի երկու առաջարկ. առաջինը՝ երկու քաղաքացի դիմում են ներկայացրել հանրաքվեի չեղարկման մասին: Նրանք կարծում են, որ հանրաքվեի անցկացումն անօրինական եւ հակասահմանադրական է: Հայցատուների խոսքով՝ քվեաթերթիկներում հարցը հստակ չի ձեւակերպված, իսկ եզրերը ընտրազանգվածների համար անհասկանալի են:
Քվեաթերթիկում հարցը ձեւակերպված է հետեւայլ կերպ. «Ընդունե՞լ արդյոք համաձայնության նախագիծը, որը 2015թ. հունիսի քսանվեցի Եվրախմբի շրջանակներում առաջարկել են Եվրահանձնաժողովը, Եվրոպայի կենտրոնական բանկը եւ Արժույթի միջազգային հիմնադրամը, եւ որը բաղկացած է մեկ առաջարկ ներկայացնող 2 փաստաթղթից: Առաջին փաստաթուղթը կոչվում է «Ընթացիկ ծրագրի ավարտի եւ դրանից հետո եկող բարեփոխումներ», իսկ երկրորդը՝ «Կայուն պարտքի նախնական վերլուծություն»:
Երկրորդ դիմումով պահանջվում է հաստատել հուլիսի 5-ի հանրաքվեն: Այս դիմումը ներկայացրել են 17 իրավաբաններ եւ «Անմիջական ժողովրդավարության հունական շարժում» կուսակցության ներկայացուցիչը: