Հայաստանի Կենտրոնական բանկը չի պատրաստվում առանց վերահսկողության ավելացնել պետպարտքը: Այդ մասին NEWS.am֊ի թղթակցի հետ զրույցում ասել է ԿԲ նախագահ Արթուր Ջավադյանը:
Նա նկատել է, թե վերջերս «Պետական պարտքի մասին» օրենքում կատարված փոփոխությունները միայն խմբագրական բնույթ են կրում: Պետպարտքի վերին շեմում (60 տոկոս) կառավարության պարտքն առանձնացվելու է ԿԲ պարտքից:
Այդուհանդերձ, փոփոխությունը միայն օրենքը համապատասխանեցրել է օրեսնդրության հետ, քանի որ ԿԲ-ն նախկինում էլ անկախ է եղել իր քաղաքականության մեջ եւ կարող է ըստ իր նպատակահարմարության պարտք կուտակել: Այսինքն, պետք չէ կարծել, թե նոր օրենքը ազատ է թողել ԿԲ ձեռքերը: «Նման բան գոյություն չունի»,- ասել է Ջավադյանը:
Նշենք, որ 2015թ. առաջին եռամսյակի վերջում ԿԲ պարտքը կազմել է 553,7 մլն դոլար կամ ՀՀ համախառն արտաքի պարտքի 6,5 տոկոսը: 2014թ. վրջին այդ ցուցանիշը 568,2 մլն էր, կամ 6,6 տոկոս:
