Թբիլիսիում միանգամից երկու լայնածավալ ոստիկանական գործողություններ են ընթանում: Առաջինը՝ Աբխազիայից եւ Հարավային Օսիայից փախստականների վտարումն է` պետական սեփականություն հանդիսացող շենքերից: Երկրորդի զոհերը մանր առեւտրականներն են, որոնք վաղուց հանգրվանել էին Թբիլիսիի բազմամարդ փողոցներում: Փախստականներին վտարում են շրջաններ: Իսկ առեւտրականներին համառորեն առաջարկում են տեղափոխվել գյուղատնտեսական եւ ապրանքային շուկաներ:
Վտարման ակտիվ փուլն սկսվել է 2 շաբաթ առաջ, երբ ոստիկանությունը Ռուսթավելի պողոտայում գտնվող «Շամշոբլո» հրատարակչության շենքից վտարել էր մոտ 300 ընտանիքների:
Այժմ հասել է «Պենտագոնի» հերթը: Հարավային կովկասում Ռուսական զորքերի նախկին շտաբում ապրում էր 150 ընտանիք, թեեւ վրացական լրատվամիջոցները այլ թիվ են հայտնում՝ 700:
Երկու դեպքում էլ իշխանությունները վարվել են ստանդարտ կերպով. որը հեռանում էր իր կամքով, որին՝ օգնում էին: Ընդ որում, բողոքները ոչնչի չեն հանգեցրել: