Ռուսաստանի կապի, տեղեկատվական տեխնոլոգիաների եւ զանգվածային հաղորդակցության ոլորտում վերահսկողության դաշնային ծառայությունը դիմել է «Եդինայա Ռոսիայի» Երիտասարդ գվարդիային»՝ խնդրելով փորձաքննություն իրականացնել պարզելու համար, թե որքանով է սոցիալական ցանցերում առկա անչափահասների շրջանում ոչ ավանդական սեռական հարաբերությունների քարոզչությունը, հաղորդում է «Իզվեստիան»:
Այդկերպ «Ռոսկոմնադզորն» արձագանքել է Բրյանսկի մարզի սենատոր Միխայիլ Մարչենկոյի հարցապնդմանը, որը դժգոհություն էր հայտնել սոցիալական ցանցերում գեյ-խորհրդանիշներով «սմայլիկների» առկայության առթիվ:
«Դիմումը մենք դեռ չենք ստացել, բայց մենք միշտ պատրաստ ենք զբաղվել համացանցում իրավունքների պաշտպանությամբ՝ ՌԴ օրենսդրության համաձայն»,-ասել է «Եդինայա Ռոսիայի» երիտասարդ գվարդիայի» «Մեդիագվարդիայի» համակարգող Կիրիլ Գրիչենկոն:
Նրա խոսքով, եթե փորձաքննությունն ապացուցի, որ «սմայլիկները» ոչ ավանդական սեռական հարաբերություններ են քարոզում, միջոցներ կձեռնարկվեն ՌԴ օրենսդրության համաձայն: