ԱՄՆ-ը դեմ չի եղել, որպեսզի ջիհադականներն ավերեն Սիրիան. միայն այն ժամանակ, երբ ահաբեկիչները սկսեցին հարձակվել քրդական դիրքերի վրա, ամերիկյան զորքերը անցան ռազմական գործողությունների։ Այս մասին հուլիսի 31-ին կայացած մամուլի ասուլիսի ժամանակ հայտարարեց թուրքագետ Հակոբ Չաքրյանը։
Նրա խոսքով՝ քրդերը պայքարի են դուրս եկել, եւ ամեն օր թուրք ոստիկանների հետ բախումներ են տեղի ունենում։ Նախագահ Էրդողանը «Իսլամական պետության» միջոցով հարձակումներ էր իրականացնում քրդերի վրա։ Սակայն հուլիսի 9-ին ջիհադականները Թուրքիայի դեմ պատերազմ հայտարարեցին։ «Չեմ կարծում, որ ջիհադականները կշարունակեն Էրդողանին մահապարտ ահաբեկիչներ տրամադրել»,- ընդգծեց Հակոբ Չաքրյանը։