Հուլիսի 15-ին Թեհրան-Երեւան չվերթի Տու-154 ինքնաթիռի կործանման պատճառը ինքնաթիռի շարժիչի հանկարածակի կանգն է եղել:
ՀՀ Քաղավիացիայի վարչության մամուլի խոսնակ Նելլի Չերչինյանը NEWS.am-ին հայտնեց, որ այդ փաստն արձանագրել է հետաքննությունն իրականացնող հանձնաժողովը: Ի դեպ, ըստ մամուլի խոսնակի, վթարից 24 օր առաջ ինքնաթիռը տեխզննում էր անցնել Մինվոդիի օդանավակայանում: Հետաքննությունը նաեւ հերքել է այն վարկածը, թե ինքնաթիռի վթարման պատճառը եղել է գերծանրաբեռնվածությունը:
Հիշեցնենք, որ հուլիսի 15-ին, Իրանի տարածքում, տեղական ժամանակով ժամը 11.33-ին վայր էր ընկել «Caspian airlines»-ին պատկանող, 7908 չվերթն իրականացնող ուղեւորատար ինքնաթիռը, որում եղել է 168 մարդ, այդ թվում ինքնաթիռի 15 հոգանոց անձնակազմը: Նրանք բոլորը զոհվել են:
