Թուրքիայի պաշտպանության ոլորտի ընկերությունները նախկինի պես հետաքրքրված են իսրայելական ռազմական տեխնիկա գնելու հարցում։
Այս տարվա հունիսին թուրքական լրատվամիջոցներում տեղեկատվություն է տարածվել, ըստ որի, Թուրքիան սառեցրել է Իսրայելի հետ 16 պաշտպանական համատեղ ծրագրեր, որոնք ընդհանուր առմամբ, արժեն մի քանի միլիարդ դոլար։
Թուրքական լրատվամիջոցների համաձայն՝ թուրքական բանակի կողմից «Меркава-3» տեսակի 1000 տանկ գնելու խոշոր նախագիծ է եղել, ընդհանուր առմամբ 5 մլրդ արժողությամբ, որը սառեցվել է։ Բացի այդ, սառեցվել է նաեւ F-4 Phantom 54 ինքնաթիռների արդիականացման գործարքը, որն արժեր 632 մլն դոլար եւ որը պետք է իրականացներ իսրայելա-սինգապուրյան կոնսորցիումը։ Ցանկում շոշափվում էին նաեւ այնպիսի գործարքներ, ինչպիսիք են Popeye-2 հրթիռների համատեղ մշակումը, Delilah հրթիռների գնումն ու տանկերի արդիականացումը:
Սակայն, պարզվում է, որ այս տեղեկությունը չի համապատասխանում իրականությանը։ Շուրջ մեկ ամիս առաջ իսրայելական «Ավիացոն արտադրություն» կոնցեռնը թուրքական բանակին է հանձնել 4 անօդաչու Heron ինքնաթիռներ։ Օրերս թուրքական պետական ընկերությունը դիմել է իսրայելական Magna BSP ընկերությանը՝ խնդրելով ժամանակակից ռադարներ վաճառել իրեն։ Magna BSP-ն մասնագիտացած է ռադարներ ստեղծելու գործում` ատոմային ռեակտորները եւ փակ զոնաները պաշտպանելու համար։ Ռադարները, որոնք ուզում է գնել Թուրքիան, ստեղծվել են միջուկային հետազոտությունների Դիմոնե կենտրոնում՝ պաշտպանության նախարարության հետ համատեղ:
Ընկերության հաճախորդների շարքում են Ճապոնիայի, Հնդկաստանի, ատոմակայանները, Բեն-Գուրիոնի անվան օդանավակայանը։