News
Լրահոս
News
Չորեքշաբթի
Դեկտեմբեր 01
Տեսնել լրահոսը

Պարագվայի Սենատը ճանաչել է Հայոց ցեղասպանությունը: Այս մասին հաղորդում է Սենատի կայքը:

Հոկտեմբերի 29-ին ընդունված բանաձեւում ասվում է.

«Պարագվայի Հանրապետության Սենատը ճանաչում է 1915-1923 թվականներին Օսմանյան կայսրության կողմից իրականացված Հայոց ցեղասպանությունը՝ այդպիսով հիշատակելով մարդկության դեմ իրագործված այդ հանցագործության 100-րդ տարելիցը»:

Ավելի վաղ սենատորներին ուղերձով դիմել էր Սենատի պատվավոր նախագահ Մարիո Աբդո Բենիտեսը: Նրա հայտարարության մեջ ասված է.

«Ապրիլի 24-ին լրացավ հայ ժողովրդի կոտորածի արշավի 100 տարին, որը սկսվեց 1915 թվականին՝ Առաջին համաշխարհային պատերազմի ժամանակ, եւ տեւեց մինչեւ 1923 թվականը, եւ որը դարձավ մարդկության պատմության մեջ ամենադաժան եւ ամոթալի իրադարձություններից մեկը: Այն ժամանակների Թուրք-օսմանյան կայսրությունը տասնյակ քաղաքներում, որտեղ խաղաղ ապրում էին տարբեր ժողովուրդներ, սկսեց կոտորել եւ տեղահանել հայ բնակչության մեծ մասին: Սպանում էին ամբողջ ընտանիքների: Զոհերի թիվը գնահատվում է առնվազն 1.5 մլն:

Փրկվածները ենթարկվեցին զանգվածային տեղահանության: Դա հանգեցրեց քաղցի եւ հիվանդությունների հետեւանքով նոր զոհերի:

Քաղաքականությունը, որը հայտնի է որպես հայոց ցեղասպանությունը, այսօր հերքվում է թուրքական կառավարության կողմից: Ամեն դեպքում, ժամանակակից Թուրքիայի հայրը՝ Քեմալ Աթաթուրքը, 1920 թվականին զանգվածային սպանությունների ակտն ամոթալի է ճանաչել:

Հայոց ցեղասպանությունը ճանաչվել է բազմաթիվ երկրների կողմից: Նրանց թվում Հարավային Ամերիկայում Արգենտինան, Բոլիվիան, Չիլին, Ուրուգվայը եւ Վենեսուելան, ինչպես նաեւ բազմաթիվ եվրոպական երկրներ, հանդես են եկել հռչակագրերով: Վերջերս նման բանաձեւ ընդունեց նաեւ Եվրախորհրդարանը: Գերմանիան, որն ավանդաբար սերտ կապեր ունի Թուրքիայի հետ եւ որը բացահայտորեն չէր օգտագործում «ցեղասպանություն» բառը, դա արեց ապրիլին:

Հռոմի Ֆրանցիսկոս Պապն այդ ողբերգական իրադարձությունների 100-րդ տարելիցի առիթով հիշատակեց հայերի զանգվածային սպանությունների մասին՝ դրանք անվանելով 20-րդ դարի առաջին ցեղասպանություն:

Մենք՝ պարագվայցիներս, սեփական պատմությունից գիտենք, թե ինչ է ժողովրդի կոտորածը եւ որքան կարեւոր է, որպեսզի մարդկության դեմ այդ հանցագործությունները չմոռացվեն»:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Հայոց ցեղասպանության թանգարան-ինստիտուտի գրադարանը համալրվել է Իսրայել Չարնիի անձնական գրադարանի գրքերով
2011 թ. Իսրայել Չարնին արժանացել էր Հայաստանի Հանրապետության Նախագահի մրցանակի «ի ճանաչումն տասնամյակների ակադեմիական աշխատանքի և ի նպաստ...
Ավստրալիայի կառավարության կողմից Հայոց ցեղասպանության ճանաչումը ժամանակի հարց է. Հայ դատի հանձնախումբ
Պատգամավոր Թրենթ Զիմերմանի առաջ քաշած բանաձևը հորդորում է Ավստրալիայի...
Ավստրալիայի խորհրդարանում կքննարկվի երկրի կողմից Հայոց ցեղասպանության ճանաչման հարցը
Եթե ելույթ ունեցողների մեծ մասը կողմ հանդես գա բանաձևին, ապա...
«Սինոփսիս»-ի նախագահ Չի-Ֆուն Չանը հարգանքի տուրք է մատուցել Ցեղասպանության նահատակների հիշատակին
Չի-Ֆուն Չանը Հայոց ցեղասպանության զոհերի հիշատակը հավերժացնող հուշակոթողի անմար կրակի մոտ մեկ րոպե…
Մեծ Բրիտանիայում առաջին քայլն արվեց Հայոց ցեղասպանության ճանաչման գործում. դեռ շատ անելիք կա. Սասունյան
Ահա ներկայացված թիվ 190 58/2 օրինագծի ամբողջական տեքստը՝ «Հայոց ցեղասպանության ճանաչման մասին օրինագիծը» վերնագրով...
Ուկրաինացի պատգամավորներն այցելել են Ծիծեռնակաբերդի հուշահամալիր
Երեւանում մեկնարկել են Ուկրաինայի հայերի միության միջոցառումները, որոնց մասնակցելու համար Հայաստան է ժամանել Ուկրաինայից ավելի քան 70 հյուր...
Ամենաշատ