![](img/news/29/95/10/default.jpg)
Պրիմորյայի սաֆարի պարկում բնակվող Թիմուր այծիկը ուժեղ ապրումներ ունի իր ընկերոջից՝ Ամուր անունով վագրից բաժանվելուց հետո: Այծիկը հրաժարվում է ուտել ու քնել:
«Արդեն երկու գիշեր է Թիմուրն անց է կացնում այն ճաղերի մոտ, որը նրա վանդակը բաժանում է վագրի վանդակից: Նա իր թաքստոց չի մտնում ու հրաժարվում է երեկոյան ուտել: Նա միայն առավոտյան է կերել, երբ տեսել է իր լավագույն ընկերոջը: Կենդանին հանգստանում է միայն երբ Ամուրին է տեսնում »,- LifeNews –ին պատմել է « Շկոտովո» սաֆարի պարկի տնօրեն Դմիտրի Մեզենցեւը:
Նշենք, որ այծիկն ավելի շատ սաֆարի պարկի աշխատակիցներից է վախենում, քան իր գիշատիչ ընկերոջից:
«Նա ավելի մեծ ապրումներ է ունենում, երբ վագրը նրա կողքին չէ, իսկ շուրջն էլ մարդիկ են պտտվում», - հավելել է Մեզենցեւը:
Թիմուր այծիկին առանձին քնելու տեղ են հատկացրել: Նոյեմբերի 29-ի գիշերը այդ անսովոր ընկերներն առանձին են անցկացրել: Իսկ ցերեկը վագրն ու այծը դարձյալ միասին զբոսնում էին վանդակում: