ԱՄՆ-ում օտարեկրյա ռազմական օդանավը կխփենք, եթե նա սահմանից ուղղություն վերցնի դեպի ինչ-որ քաղաք։ Նման հայտարարություն էարել ԱՄՆ զինված ուժերի նախկին օդաչու, գնդապետ Արթուր Նոլսը։

Թուրքական Diken կայքի հետ զրույցում գնդապետ Արթուր Նոլսը, անդրադառնալով Թուրքիայի կողմից խոցված ռուսական ռմբակոծիչի դեպքին, ասել է. «Թուրքական կործանիչներն առաջին հերթին պետք է զգուշացնեին ռուս օդաչուին, իսկ եթե օդանավը շարունակեր խախտումը, այդ ժամանակ պետք է մոտենային ռուսական օդանավին եւ նրան ուղեկցեին Թուրքիայի սահմաններից դուրս։ Նման կարճ ժամանակով սահմանը խախտելու դեպքում հարվածելը չպետք է կանխարգելիչ միջոցառումների շարքում լինի»,-ասել է ամերիկացի գնդապետը՝ շեշտելով, որ ԱՄՆ-ում կխոցեն այլ երկրի ռազմական օդանավը, եթե այն ուղղության վերցնի դեպի որեւէ քաղաք։