Մոտ երկու ժամ առաջ «Պրոկրեդիտ» բանկի Կոմիտասում գտնվող մասնաճյուղի վրա զինված հարձակում է եղել։ NEWS.am-ի տեղեկություններով անհայտ անձը ատրճանակով մուտք է գործել բանկ եւ սպառնալիքների ներքո աշխատակցուհուց գումար պահանջել։
Նախնական տվյալներով՝ նա հափշտակել է մի քանի միլիոն դրամ եւ 16 հազար դոլար։ Այս պահին դեպքի վայրում են գտնվում իրավապահները։ Հանցագործը դեռ չի հայտնաբերվել։
Մեր տեղեկությունը հաստատել են ոստիկանությունից, սակայն որեւէ մանրամասն չեն նշել։