Հայ-հնդկական հարաբերությունների օրակարգում Հայաստանի կրթության եւ գիտության նախարար Արմեն Աշոտյանի եւ գյուղատնտեսության նախարար Սերգո Կարապետյանի՝ Հնդկաստան այցի կազմակերպումն է։ Այս մասին NEWS.am-ի հետ զրույցում ասել է Հայաստանում Հնդկաստանի արտակարգ եւ լիազոր դեսպան Սուրեշ Բաբուն։
Նրա խոսքով՝ Հայաստանն ու Հնդկաստանը գյուղատնտեսության ոլորտում համաձայնություն ենք կնքել, որը պետք է ստորագրվի։ Այդ նպատակով ձեր նախարարը պետք է մեկնի Հնդկաստան կամ մեր նախարարը կայցելի Հայաստան։
Կրթության ոլորտում մենք բանակցություններ ենք վարել երկու երկկողմ փաստաթղթերի՝ «Կրթության ոլորտում փոխանակման ծրագրի եւ «Դիպլոմների ու գիտական աստիճանների երկկողմ ճանաչման մասին համաձայնագրի» շուրջ։ Այդ փաստաթղթերը նույնպես հնարավորինս շուտ պետք է ստորագրվեն։ Այդ նպատակով մենք աշխատում ենք կազմակերպել ձեր վարչապետի այցը Հնդկաստան։ Ես չեմ կարող ասել, թե երբ դա տեղի կունենա, սակայն այցը դրված է օրակարգում։ Առաջարկ կա նաեւ կազմակերպել մեր մշակույթի եւ զբոսաշրջության նախարարի այցը Հայաստան։ Մենք հույս ունենք, որ դա տեղի կունենա 2016թ.»,- ասել է դեսպանը։
