News
Լրահոս
News
Երեքշաբթի
Հունիս 18
USD
477.83
EUR
535.7
RUB
7.43
ME-USD
0.15
Տեսնել լրահոսը

Երկար տարիներ արտաքին տրասնֆերտները մեր բնակչության զգալի մասի համար եկամտի, ինչպես նաեւ երկիր տարադրամի հզոր ներհոսքի աղբյուր էին համարվում: Այսինքն, այսպես կոչված «նավթադոլարներ»: Բայց այդ  «հաջողությունների» էյֆորիան սկսեց աստիճանաբար գոլորշիանալ:

Ընդունված կարծիք կա, թե Ռուսաստանի տնտեսության ճգնաժամը  (որտեղից գալիս է տրանսֆերտների առյուծի բաժինը) առաջացել է Արեւմուտքի երկրների պատժամիջոցների հետեւանքով: Սակայն որոշ փորձագետներ  (այդ թվում նաեւ` Ռուսաստանին բարեկամ Չինաստանից) մնում են այն կարծիքին, որ ճգնաժամի առաջին նշաններն ի հայտ են եկել արդեն   2012-ին եւ հիմնականում կապված էին տնտեսության ապաարդյունաբերականացման եւ գյուղատնտեսության անկման հետ:  

Այդ ազդանշաններից ելնելով` մեր պաշտոնյաներն ուղղակի պարտավոր էին նախապես կանխատեսել տրանսֆերտների անկումը: Չէ՞ որ Արեւմուտքի երկրների պատժամիջոցները, ինչպես նաեւ նավթի համաշխարհային գների անկումն ընդամենը արագացրին եւ վատթարացրին ռուսական տնտեսության ճգնաժամը

Բայց տնտեսական բլոկի նախարարությունների եւ տեսչությունների հզոր բլոկը փաստացիորեն տարիներով խրախուսում էր աշխատունակ բնակչության մեկնումը   (սեզոնային կամ մշտական) արտասահման: Դրա հետեւանքով տրանսֆերտները դարձան մեր տնտեսության հիմնական գործոններից մեկը, ինչն էլ դարձավ դանդաղեցված գործողությամբ ական:  

Նշենք, որ Ռուսաստանից տրանսֆերտների անկումն առաջացել է տարադրամների փոխարժեքների անկումից: Ռուսաստան մեկնած ներգաղթյալը իր վաստակի մի մասը հայրենիք ուղարկելով, ռուբլով նույն գումարի դիմաց ներկայումս գրեթե  2,3 անգամ պակաս ԱՄՆ-ի դոլար է ստանում, քան երկու տարի առաջ: 

Միաժամանակ Հայաստանում դոլարի փոխարժեքն այս ժամանակահատվածում բարձրացել է մոտավորապես  19 տոկոսով: Դրա հետեւանքով,  «տրանսֆերտներ» ստացողի համար դոլարը դրամի փոխելիս այդ վնասը նվազում է մինչեւ 1,9 անգամ:

Տրանսֆերտներ են ստացվում նաեւ ռուսական ռուբլով: Մինչդեռ Հայաստանում ռուբլու փոխարժեքը նվազել է գրեթե կրկնակի չափով: Այդ պատճառով ռուբլին դրամի փոխելու դեպքում տրանսֆերտ ստացողների կորուստները գրեթե այնքան են, որքան Ռուսաստանից դոլար ստանալիս:   

Պարզ է, որ ռուսական ռուբլու հետագա թուլացման դեպքում այդ վնասն ավելի կմեծանա: Անկախ նրանից, թե այդ գումարները ռուբլով են ստացվում, թե դոլարով:

Ստորոբերյալ գրաֆիկում ցույց է տրվում, թե որքան դրամ կարելի է ստանալ, ասենք,   10 հազար ռուսական ռուբլու փոխանցման դեպքում 2016-ի հունվարին եւ  որքան էր հնարավոր երկու տարի առաջ: Նշենք, որ հաշվարկները մասամբ պայմանական բնույթ են կրում տարադրամների միջին արժեքի եւ փոխարժեքի միջեւ տարբերությունների պատճառով:

Սմբատ Գրիգորյան

!
Այս նյութը հասանելի է նաև   Русский
Տպել
Կարդացեք նաև
Ամբողջը
Սկզբում վախեցրին, հիմա ուզում են «յուղել». ՀՀ իշխանություններն այդքան էլ խիստ չեն բարձրացնի տուրքերը
Առաջարկվում է իջեցնել գրավատների եւ փոխանակման կետերի պետտուրքերը...
Դոլարի փոխարժեքը նվազել է 478 դրամից. Եվրոն եւս էժանացել է ավելի քան 3 դրամով
Թանկարժեք մետաղների համար բանկի կողմից սահմանվել են հետեւյալ գները...
Հայաստանում խաղատների գործունեության հանդեպ հսկողությունը կխստացվի. «Իմ քայլը»
ՀՀ-ում կխստացվի խաղատների գործունեության հսկողությունը...
Ստեփանավանում բացվել է նորարարական «խելացի» անասնաշենք. Այն կարելի է վերահսկել հեռավորությունից
Ողջունելով միջոցառման մասնակիցներին` փոխնախարար Արտակ Քամալյանը կարեւորել է նման անասնաշենքերի կառուցումը...
Հարկ վճարողների կարծիքը հարկային վարչարարության վերաբերյալ դրականորեն փոխվել է. ՊԵԿ
Անկախ փորձագիտական կազմակերպությունը հետազոտություն է իրականացրել...
Տիգրան Ավինյանը խորհրդակցություն է անցկացրել Երևանի կառուցապատման ծրագրերի վերաբերյալ
Շահագրգիռ մարմինների ներկայացուցիչները հայտնել են իրենց մոտեցումները նախագծերի տարբեր ասպեկտների վերաբերյալ…
Ամենաշատ