ՌԴ նախագահի մամուլի խոսնակ Դմիտրի Պեսկովը մեկնաբանել է ինտերնետ թրաֆիքի հնարավոր վերահսկման մասին լուրերը, հայտնում է «ՌԻԱ Նովոստի»-ն։
Նա նշել է, որ համացանցի ամբողջական վերահսկման մասին խոսք չկա։
«Այդ առումով Ռուսաստանի նման մեծ երկիրը պետք է սեփական ներուժն ունենա, որպեսզի պատասխանի ոչ բարեկամական հնարավոր քայլերին, որոնք ուղղված են ցանցի ամբողջ սեգմենտները շարքից հանելուն։ Այդ կապակցությամբ իհարկե աշխատանքներ տարվում են, նման խնդիրներ դրվել են։ Եվ դա որպես համացանցի լիակատար վերահսկում որակելը սխալ կլիներ»,- ընդգծել է Պեսկովը։