ՄԻԵԴ-ում արդեն կարող էին ավարտված լինել 2008թ. մարտի 1-ի ողբերգական դեպքերի կապակցությամբ գործերի մի շարք բողոքների ընթացակարգերը։ Այս մասին մարտի 1-ին լրագրողներին ասել է ՀԱԿ խմբակցության պատգամավոր Գագիկ Ջհանգիրյանը, ով այդ դեպքերից հետո կալանավորվել էր։
Նրա խոսքով՝ ինչ վերաբերում է զոհերի հարազատների հարազատների բողոքներին, ապա ընթացակարգերն արդեն սկսվել են, եւ Կառավարությունը 2 ամիս է խնդրել, որպեսզի պատասխանի հայցերում բարձրացրած հարցերին։ Նա հիշեցրել է, որ այն ժամանակվա օմբուդսմեն Արմեն Հարությունյանի՝ 2009թ. ներկայացրած հաշվետվության մեջ մարտի 1-ի դեպքերի մասին կարեւոր հայտարարություններ են արվել։ Ուշագրավ են 2011թ. ԵԱՀԿ/ԺՀՄԻԳ զեկույցի հայտարարությունները։ «Այդուհանդերձ մեզ քաղբանտարկյալներ չհամարեցին, թեպետ մենք շատ էինք սպասում։ Նման հայտարարություն չի արել նաեւ Եվրոպայի խորհրդի մարդու իրավունքների հանձնակատար Թոմաս Համմերբերգը, չնայած բազմիցս այցելել էր եւ մեզ քաղաքական վենդետայի զոհեր անվանել»,- նշել է Ջհանգիրյանը։