Թուրք լրագրողների դատավճիռները, որոնք երկու տարվա ազատազրկման են դատախարտվել իրենց հոդվածներում ֆրանսիական Charlie Hebdo երգիծական պարբերականից Մուհամեդ մարգարեի ծաղրանկարները հրապարակելու համար, եւս մեկ լուրջ խոչընդոտ է Թուրքիայում խոսքի ազատության համար: Այս մասին հայտարարել է լրատվամիջոցների ազատության հարցով ԵԱՀԿ ներկայացուցիչ Դունյա Միյատովիչը:
«Անհանգստացած եմ այն փաստի առիթով, որ Թուրքիայում լրագրողներին կարող է բանտարկություն սպառնալ սեփական հայացքներն արտահայտելու համար... Նյութերի հրապարակումը, որոնք կարող են վիրավորել հանրության մի հատվածին, չի արդարացնում գրաքննությունը, չխոսենք արդեն բանտարկության մասին»,- ասված է Միյատովիչի հայտարարությունում:
Ըստ ՌԻԱ Նովոստիի, նա կարծիք է հայտնել, որ խմբագրական ոճի հետ անհամաձայնությունը կարելի է տարբեր կերպ արտահայտել, «սակայն բանտարկությունը երբեք չի կարող տարբերակներից մեկը լինել»:
Թուրքիայում Cumhuriyet-ի երկու լրագրողների գործով հետաքննությունը սկսվել է 1280 ֆիզիկական անձանց դիմումի համաձայն: Դատարանը նրանց մեղավոր է ճանաչել եւ 2 տարի ժամկետով ազատազրկման դատապարտել: