Երեւանի Հալաբյան փողոցում տեղի ունեցած ավտոբուսի պայթյունից տուժած պատանիները՝ Ռոլանդ Խոջոյանը եւ Էդգար Գասպարյանը հիվանդանոցից դուրս են գրվել։

ՀՀ առողջապահության նախարարությունից NEWS.am-ին հայտնում են, որ տղաները տուն են գնացել ինքնուրույն քայլելով։

Բազմակի, ծանր վնասվածքներ ստացած 14 եւ 15 տարեկան պատանիները առաջին բժշկական օգնությունն «Արմենիա» հանրապետական բժշկական կենտրոնում ստանալուց հետո տղաները տեղափոխվել էին  «Սուրբ Աստվածամայր» բժշկական կենտրոն։

Նշենք, որ 25 օրվա ընթացքում բուժական անհարժեշտ բոլոր, լայնածավալ աշխատանքների արդյունքում ծայրահեղ ծանր, շոկային վիճակից նրանք դուրս են եկել։ Վերականգնողական մի քանի վիրահատությունների շնորհիվ պատանիների մոտ այսօր որեւէ ֆունկցիայի խանգարում չկա, նրանք քայլում են։

Նշվում է, որ ավտոբուսի պայթյունի հետեւանքով բոլոր տուժածներն ապաքինված դուրս են գրվել։