Երեւանի Հալաբյան փողոցում տեղի ունեցած ավտոբուսի պայթյունից տուժած պատանիները՝ Ռոլանդ Խոջոյանը եւ Էդգար Գասպարյանը 3 օր առաջ ականջի վիրահատության են ենթարկվել: Այս մասին NEWS.am-ի հետ զրույցում ասաց Ռոլանդի հայրը:
«Ականջները վնասվել էին երեխաների, լսողության խնդիրներ ունեին: Նորից վիրահատել են, այսօր էլ դուրս են գրվել»,- ասաց Սուրեն Խոջոյանը:
Նշենք, որ Նրանք պայթյունից անմիջապես հետո վիրահատության էին ենթարկվել: Այժմ գիտակցության են, սակայն քայլել չեն կարողանում:
Հիշեցնենք, որ որ թիվ 63 համարի ավտոբուսը պայթել էր ապրիլի 25-ին` ժամը 21:45-ի սահմանում, Երեւանի Հալաբյան փողոցի թիվ 11 շենքի մոտ: Երկու մարդ, այդ թվում ենթադրյալ հանցագործը, զոհվել էին, 8 հոգի տուժել էր: 2002թ. ծնված Էդգար Գասպարյանը եւ 2001թ. ծնված Ռոլանդ Խոջայանը բեկորային վնասվածքներ, այրվածքներ էին ստացել:
