Հայաստանը ՄԱԿ-ի Գլխավոր վեհաժողովի փոխնախագահ է ընտրվել: Այդ մասին հաղորդում է ՄԱԿ-ի պաշտոնական կայքը:
Հայաստանից բացի, փակ քվեարկության միջոցով ՄԱԿ-ի Գլխավոր Վեհաժողովի փոխնախագահ է դարձել եւս 20 երկիր: Հայաստանն ընտրվել է Արեւելյան Եվրոպայի երկրներից: Արեւմտյան Եվրոպայից ընտրվել են Բելգիան եւ Գերմանիան: Կոնգոն, Կոտ դ’Իվուարը, Մավրիտանիան, Նիգերիան եւ Զամբիան ընտրվել են աֆրիկյան երկրներից, Բանգլադեշը, Նեպալը, Սողոմոնյան կղզիները եւ Թուրքմենստանը` Ասիա-խաղաղօվկիանոսյան տարածաշրջանից, Բահամյան կղզիները եւ Էլ Սալվադորը` Լատինական Ամերիկայից եւ Կարիբյան Ավազանից: ՄԱԿ-ի 21 փոխնախագահների թվում են նաեւ ՄԱԿ-ի Անվտանգության խորհրդի հինգ մշտական անդամները` Չինաստանը, Ֆրանսիան, Ռուսաստանը, Մեծ Բրիտանիան եւ ԱՄՆ-ն: