News
Լրահոս
News
Ուրբաթ
Հունիս 21
Տեսնել լրահոսը


Ազգային ժողովի ՀԱԿ խմբակցության պատգամավոր Նիկոլ Փաշինյանին հետաքրքրում է, թե այս 25 տարիների ընթացքում ինչու մենք ձեռք չենք բերել կործանիչ ավիացիա:

«Հայաստանի ՀՕՊ զորքերի պետ Արմեն Վարդանյանը հայտարարել է, որ մենք առայժմ չունենք կործանիչ ավիացիա: Ինչո՞ւ 25 տարվա պետությունը չունի այդ համակարգերը: Դուք հիմա ուղիղ եք ասում, որ Ռուսաստանն այստեղ ունի կործանիչ ինքնաթիռներ, ՀՕՊ համակարգեր ու անհրաժեշտության դեպքում մենք դրանք կարող ենք օգտագործել: Եթե հիմա Հայաստանի ՀՕՊ-ից հրաման լինի ռուսական էսկադրիլիային օդ բարձրանալ, իսկ Ռուսաստանից՝ պետք չի, մի բարձրացեք, այդ ինքնաթիռներն օդ կբարձրանա՞ն, թե՞ ոչ: Ես տեխնիկական վայրկյանների, րոպեների մասին չեմ խոսում»,- այսօր՝ հունիսի 28-ին, 2015 թվականի դեկտեմբերի 23-ին Մոսկվայում ստորագրված «Հայաստանի Հանրապետության եւ Ռուսաստանի Դաշնության միջեւ Հավաքական անվտանգության կովկասյան տարածաշրջանում հակաօդային պաշտպանության միավորված տարածաշրջանային համակարգ ստեղծելու մասին» համաձայնագիրը վավերացնելու մասին հարցի քննարկման ժամանակ ասաց Նիկոլ Փաշինյանը՝ դիմելով հիմնական զեկուցող, Պաշտպանության նախարարի տեղակալ Արա Նազարյանին:

Արա Նազարյանը նշեց, որ առհասարակ, նման համակարգեր ունենալը հնարավորությունների խնդիր է պետության համար. եթե հնարավորություններ լիներ, կունենայինք. «Ինչ վերաբերում է երկրորդ հարցին, ապա ասեմ, որ նշված գործընթացները չեն կարգավորվում՝ միայն պարզապես հրամաններ տալով: Դրա համար կան համապատասխան փաստաթղթեր, կիրառման պլաններ, որոնք համաձայնեցված են, նաեւ այն դեպքերը՝ երբ դրանք պետք է օգտագործել: Մյուս կողմը հրաման տալու լիազորությունը, իրավունքը չունի: Եթե պատկերացնենք, որ կարող է նման բան լինել, ապա կորցնելու ոչինչ չկա, մենք մեր հակաօդային պաշտպանության համակարգն ունենք»:

Նիկոլ Փաշինյանը հիշեցրեց, որ բարձրաստիճան պաշտոնյաների պարտականությունն է պետության հնարավորությունները մեծացնելը. «Քառօրյա պատերազմից հետո չկա որեւէ ազդակ, որ դուք այդ ծառայությունը կատարել եք: Պարզ ասեք, որ ռուսական ռազմաբազայի ՀՕՊ-ը ադրբեջանական ինքնաթիռ չի խոցելու, այլ դրանք նախատեսված են 4-րդ, 5-րդ համաշխարհային պատերազմների դեպքում, որտեղ ՀՀ-ն ոչ մի հետաքրքրություն չունի»:

Արա Նազարյանն ի պատասխան ասաց. «Ձեր հարցը չհասկացա, քանի որ տարբեր բեւեռներ գնացիք»:

Հիշեցնենք, որ հունիսի 3-ին ՀՀ ԱԺ արտաքին հարաբերությունների մշտական հանձնաժողովի նիստում քննարկվել է 2015թ. դեկտեմբերին ստորագրված «ՀՀ եւ ՌԴ միջեւ Հավաքական անվտանգության կովկասյան տարածաշրջանում ՀՕՊ միավորված տարածաշրջանային համակարգ ստեղծելու մասին» համաձայնագիրը: Այն դրական եզրակացությամբ ընդգրկվել է ԱԺ նիստերի օրակարգում՝ վավերացման համար:

Այս համաձայնագիրը հակազդեցություն է առաջացրել որոշակի քաղաքական ու քաղաքացիական շրջանակների կողմից, որոնք նշում են, որ սրանով Հայաստանը Ռուսաստանին է զիջում նաեւ իր օդային տարածքն ու անվտանգությունը: Նշվում է, որ ըստ այդ համաձայնագրի` ստեղծվելու է Հայկական հակաօդային պաշտպանությունը կարգավորող մի մարմին, որը կառավարվելու է Ռուսաստանի կողմից:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՌԴ ԱԳՆ-ում տեղեկացրել են Հայաստանում գլխավոր հյուպատոսություն բացելու պլանների մասին
Մոսկվան մտադիր է գլխավոր հյուպատոսություն բացել Կապանում...
Ռուսաստանը չի հրաժարվում ռազմատեխնիկական ոլորտում Հայաստանի հետ շփումներից. Զախարովա
Ռազմական արտադրանքի մատակարարումները արտասահմանյան երկրներ իրականացվում են՝ հաշվի առնելով հատուկ ռազմական գործողության կարիքները...
Եթե Պուտինն էլ լկտիի նման իրեն պահի, ինչպես Լուկաշենկոն, Ռուսաստան էլ չենք գնա. Հովիկ Աղազարյան
Հանգիստ կարելի է ասել, որ Ռուսաստանն իրեն շատ վատ է պահում, որ մեր թշնամի պետությանն այսքան զենք է վաճառել: Բայց ես դա չեմ համարում փաստարկ...
«Իրավունք». Հաղթանակի զբոսայգում պատռել են ՌԴ դրոշն ու պոկել զինանշանը
Քաղաքացիներն ահազանգում են, որ ՌԴ պետական դրոշը ինչ-որ հակառուս կամ հակառուսներ պատռել են: Ավելին...
Նարիշկինը հայտնել է, որ Հայաստանում ԱՄՆ ռազմակայանների հայտնվելու մասին խոսելն առայժմ վաղ է
Հայաստանի տարածքում ԱՄՆ ռազմակայանների հայտնվելու մասին վաղ է խոսել...
ՌԴ փոխվարչապետը նշել է ռուս մասնագետների օգնության կարեւորությունը ՀՀ-ի եւ Վրաստանի միջեւ երկաթուղու վերականգնման համար
Օվերչուկը նշել է ռուս մասնագետների օգնության կարեւորության մասին...
Ամենաշատ