BMW գերմական ընկերությունը Չինաստանում հետ է կանչում մոտ 157 հազար մեքենա՝ մանկական բազկաթոռների ամրացման համակարգի թերության պատճառով: Այս մասին նշված է Չինաստանի Որակի, ստուգման եւ կարանտինի վերահսկման պետական վարչության երեքշաբթի օրը տարածած հաղորդագրության մեջ:
Գերատեսչությունում հայտնել են, որ BMW մեքենաներում ISOFIX մանկական բազկաթոռների ամրացման համակարգի տարրերից մեկը երկարատեւ օգտագործման դեպքում կձեւախախտվի, որը նվազեցնում է մեքենայի նստատեղերի տեղադրման հուսալիությունը եւ մեծացնում ճանապարհատրանսպորտային պատահարների դեպքում երեխայի վնասվածք ստանալու հավանականությունը:
Հետկանչումը կսկսվի ընթացիկ տարվա սեպտեմբերի 1-ից եւ կառնչվի ավելի քան 134 հազար BMW X3-ի, որոնք արտադրվել են 2010-2016 թվականներին, նաեւ ավելի քան 22 հազար BMW X4-ի, որոնք թողարկվել են 2014-ից 2016 թվականներին:
Գերմանական ավտոկոնցեռը թերություն ունեցող մասն անվճար կփոխի:
