Ֆրանսիական ոստիկանությունը Նիսում եւ քաղաքի արվարձաններում շրջայցեր է կատարել՝ 8 մարդու ձերբակալելով, որոնց կասկածում են հուլիսի 14-ի երեկոյան Նիսում ահաբեկչություն իրականացրած Մոհամմեդ Բուլելի հետ կապերի մեջ: Այս մասին գրում է Newsru-ն՝ վկայակոչելով BFMTV-ն:
Դատախազությունում կարծում են, որ ահաբեկիչը միայնակ չի գործել: Ոստիկանոթյունը ենթադրում է, որ բոլոր ձերբակալվածները Բուլելի շրջապատից են: «Ձերբակալվածները ֆրանսիացի եւ թունիսցի տղամարդիկ են: Նրանց հարցաքննում են»,- նշել են ոստիկանությունում:
Ավելի վաղ ձերբակալված Բուլելի վեց համախոհներին արդեն մեղադրանք են առաջադրել: Նրանք Թունիսից եւ Ալբանիայից են: