ԱԺ-ն չընդունեց ընդդիմության նախագիծը բանակում խաղաղ պայմաններում մահվան դեպքերի հետաքննությունների ժամանակավոր հանձնաժողով ստեղծելու մասին: Կողմ քվեարկեց 28 պատգամավոր, 2-ը ձեռնպահ մնացին:
Հանրապետական խմբակցության պատգամավորները քվեարկությանը չմասնակցեցին: Քվեարկությունից առաջ խմբակցության քարտուղար Գագիկ Մելիքյանը հայտարարեց, որ իրավապահ մարմինների աշխատանքին «չխոչընդոտելը» կօգնի քննությանը եւ բոլոր հանգամանքները պարզելուն:
Համապատասխան որոշման նախագծի հեղինակը «Ժառանգության» պատգամավոր Զարուհի Փոստանջյանն է: