Լիբանանի նոր նախագահ գեներալ Միշել Աունը դատապարտել էր Թուրքիայի կողմից Հայոց ցեղասպանության փաստը մերժելը: Այս մասին NEWS.am-ի հետ զրույցում ասաց Լիբանանում լուս տեսնող «Ազդակ» թերթի գխավոր խմբագիր Շահան Գանտահարյանը:
Նա նշեց, որ մոտավորապես 3 տարի անց վերջապես լիբանանյան 3 տարբեր համայնքների ներկայացուցիչները կարողացան համաձայնության գալ: «Եվ արդյունքում նախագահ ընտրվեց: Դա, իհարկե, երկարատեւ եւ բարդ բանակցությունների արդյունք էր»,- ասել է Շահան Գանտահարյանը:
Որոշ վերլուծաբաններ դա կապում են նաեւ տարածաշրջանի հիմնական խաղացողների ու արտաքին ուժերի միջեւ համաձայնության հետ: «Բայց դա դեռ վաղ է պնդել: Տրամաբանական է, սակայն, որ դա դրական ազդեցություն կունենա տարածաշրջանում»,- ասել է նա:
Գանտահարյանի խոսքով՝ նոր նախագահն արդեն լավ հարաբերությունների մեջ էր հայկական համայնքի հետ եւ ՀՅԴ քաղաքական դաշնակիցն էր: «Եվ ես պետք է ասեմ, որ հատկապես Ցեղասպանության 100-ամյակի միջոցառումների ժամանակ նա բավական համարձակ հայտարարություններ էր անում Հայոց ցեղասպանության ճանաչման եւ Թուրքիայի գործողությունների դատապարտման մասին: Նա Ցեղասպանությունը համեմատել էր այսօր քրիստոնյա բնակիչների դեմ կիրառվող սկզբունքների հետ եւ փաստացի այդ գործողությունների պատասխանատվությունը դրել էԱնկարայի վրա»,- ընդգծել է նա:
Հիշեցնենք, որ Լիբանանի խորհրդարանը հոկտեմբերի 31-ին նախագահ էր ընտրել: Հանրապետության նոր ղեկավար է դարձել Միշել Աունը: