Թուրքիայում քրդական «Ժողովուրդների դեմոկրատական» (HDP) կուսակցության առաջնորդներին կալանավորումից հետո բանտ են տեղափոխել։
Թուրքական «Դողան» գործակալության փոխանցմամբ՝ դատարանի կողմից կալանքի որոշման ընդունումից հետո HDP–ի համանախագահ Սելահաթին Դեմիրթաշը ուղղաթիռով տեղափոխվել է Էդիռնեի ուժեղացված հսկողության բանտ։
HDP–ի կին համանախագահ Ֆիգեն Յուքսեքդաղին էլ տեղափոխել են Քոջաելիի ուժեղացված ռեժիմով բանտ։
Նշենք, որ նոյեմբերի 3–ի գիշերվանից սկսած ձերբակալվող քուրդ պատգամավորները հիմնականում մեղադրվում են «ահաբեկչական կառույցի անդամ լինելու» կամ «ահաբեկչական կառույցի անդամ չլինելով՝ ահաբեկչական կառույցի օգտին քարոզչություն անելու» մեղադրանքով։