Հուսամ, որ այլեւս ոչ մի խոչընդոտ չի լինի Հայաստանի եւ Եվրամիության միջեւ համաձայնագրի ստորագրության համար: Այս մասին նոյեմբերի 9-ին՝ մամուլի ասուլիսի ժամանակ, ասել է Հայաստանում Լեհաստանի արտակարգ եւ լիազոր դեսպան Եժի Մարեկ Նովակովսկին:
Դեսպանը հիշեցրել է, որ ՀՀ փոխարտգործնախարար Կարեն Նազարյանը, որը ներկայացնում է հայկական կողմը, հույս է հայտնել, որ մոտ ժամանակներս համաձայնագիրը կստորագրվի: «Լեհաստանը համագործակցում է, եւ մենք նույնպես հույս ունենք, որ մինչեւ տարեվերջ համաձայնագիրը կստորագրվի եւ կվավերացվի»,- նշել է Նովակովսկին:
Հիշեցնենք, որ 2016-ի դեկտեմբերին կկայանա ԵՄ-Հայաստան շրջանակային համաձայնագրի շուրջ բանակցությունների 7-րդ փուլը: