Հռոմի Պապ Ֆրանցիսկոսը նախընտրում է հայտարարություններ չանել ԱՄՆ նորընտիր նախագահ Դոնալդ Թրամփի մասին:
«Ես քաղաքական գործիչներին գնահատականներ չեմ տալիս, ես միայն ուզում եմ հասկանալ, թե ինչ տառապանքներ կարող է բերել նրանց վարքը աղքատներին եւ անօթեւաններին»,- ասել է Հռոմի Պապը La Repubblica-ին տված հարցազրույցում:
Պոնտիֆիկոսը նշել է, որ այս պահին գլխավոր մտահոգությունը միգրանտների եւ փախստականների խնդիրն է: Նա կոչ է արել կենտրոնանալ այն բանի վրա, թե Թրամփի քաղաքական որոշումները ինչպես կազդեն այց հարցի լուծման վրա: