Լոնդոնում Էկվադորի դեսպանատանը ավարտվել է WikiLeaks–ի հիմնադիր Ջուլիան Ասանժի հարցաքննությունը,, որին Շվեդիայում կասկածում են բռնաբարության մեջ, հայտնում է «ՌԻԱ Նովոստին»

 Ընդ որում շվեդ դատախազները հարցաքննության որեւէ մանրամասներ չեն հայտնել ՝ թե Շվեդիայի, թե Էկվադորի իրավաբանական պրակտիկայի գաղտնիության կանոններից ելնելով։

Հետագա քայլերի մասին որոշումը դատախազությունը կընդունի, երբ Էկվադորից ստանա հարցաքննության գրավոր արդյունքները։

Շվեդիայում 2010-ի ամռանը Ասանժի նկատմամբ սկսվել էր քննություն՝ երկու կնոջ հայտարարությունների հիման վրա, որոնք հայտնել էին, որ Ստոկհոլմում Ասանժը իրենց նկատմամբ սեռական ոտնձգություն է թույլ տվել։