Նոր վարչապետն ու նոր Կառավարությունը կարծես թե փոխել են Հայաստանի զարգացման տրամաբանությունը։ Այս մասին նոյեմբերի 28-ին ասել է «Նորավանք» գիտակրթական հիմնադրամի ղեկավար քաղաքագետ Գագիկ Հարությունյանը։
Նրա խոսքով՝ ապրիլին կայանալիք խորհրդարանական ընտրություններից հետո կաշառակերության դեմ պայքարի գործընթացները կարող ղեն մեծ խթան ստանալ, եւ դա փոքրինչ լավատեսություն է ներշնչում։ «Այո, ես կարծում եմ, որ նախորդ վարչապետին նորով փոխարինելը կարող է Հայաստանում որոշակի փոփոխությունների հանգեցնել։ Ես այնպիսի տպավորություն ունեմ, որ եթե ՀՀԿ–ն այս անգամ նույնպես հաղթի ընտրություններում, անպայման բարեփոխումներ կլինեն, քանի որ այսպես դժվար թե կարելի է առաջ գնալ»,– ասաց Հարությունյանը եւ հավելեց, որ ՀՀԿ–ն այդ փոփոխությունների համար որոշակի ներուժ ունի։
