Volkswagen ընկերությունը Arteon անունով իր նոր չորսդռնանի կուպեն կներկայացնի արդեն 2017-ի մարտին, Ժնեւում ավտոմոբիլային ցուցահանդեսի ժամանակ։ Passat CC իմիջային մոդելի «իրավահաջորդը» ավելի ստատուսային է լինելու, ունենալու է հզոր շարժիչ, հայտնում է «Ավտովեստին»։
Չորս դռնանի կուպե սեդան հեթչբեքը Passat–ից մեկ աստիճան վեր է դասվելու։ Համապատասխանաբար Arteon –ը պետք է նաեւ Passat -ից մի քիչ խոշոր լինի ու գործառույթների ավելի լայն սպեկտր ունենա։
Բացառված չէ, որ չորսդռնանի կուպեն կունենա այն հիբրիդային շարժիչի սերիական տարբերակը, որը կիրառվել էր Sport Coupe GTE կոնցեպտում, այն բաղկացած էր երեք լիտրանոց բենզինային V6 շարժիչից ու երկու էլեկրական շարժիչներից, որոնք միասին 380 ձիաուժ հզորություն ունեն։
Արդեն հաստատ հայտնի է, որ սերիական մոդելը կունենա նաեւ կոնցեպտի դիզայնի ոճն ու չափսերը։ Այսպիսով VW Arteon–ի երկարությունը պետք է հասնի առնվազն 4․9 մետրի, իսկ դրա անվային բազայի չափսերը ՝ առնվազն 2․8 մետրի։
